banner
   fim 11. febrúar 2021 22:35
Victor Pálsson
Thomas Tuchel: Við vorum heppnir
Mynd: Getty Images
Thomas Tuchel, stjóri Chelsea, segir að heppnin hafi verið með liðinu í 1-0 sigri á Barnsley í kvöld.

Tammy Abraham gerði eina mark Chelsea í þessum bikarslag en hann bjargaði einnig á línu í seinni hálfleik.

Markvörðurinn Kepa Arrizabalaga var einnig fínn í viðureigninni og varði vel í fyrri hálfleiknum.

„Heppnin var með okkur í tvígang. Kepa bjargaði okkur í fyrri hálfleik og Tammy í þeim seinni," sagði Tuchel.

„Við vorum í erfiðleikum í dag en svona er þetta stundum í bikarnum. Ég vil ekki vera of strangur við strákana."

„Við gerðum margar breytingar og það vantaði aðeins upp á taktinn og sjálfstraust. Við getum klárlega gert betur."
Athugasemdir
banner
banner
banner
banner