mán 11. mars 2019 12:57
Arnar Daði Arnarsson
Viðar Örn á leiðinni frá Rostov
Viðar á afmæli í dag.
Viðar á afmæli í dag.
Mynd: Fótbolti.net - Hafliði Breiðfjörð
Framherjinn, Viðar Örn Kjartansson er á leiðinni frá rússneska félaginu Rostov samkvæmt heimildum Fótbolta.net.

Viðar Örn gekk til liðs við Rostov frá ísraelska félaginu, Maccabi Tel Aviv í ágúst á síðasta ári. Tækifæri Viðars með Rostov hafa verið af skornum skammti.

Samkvæmt heimildum Fótbolta.net verður Viðar Örn lánaður frá Rostov en hann hefur verið orðaður við félög bæði í Tyrklandi, Bandaríkjunum og á Norðurlöndunum.

Viðar Örn hefur aðeins byrjað einn leik með Rostov í rússnesku deildinni og komið sjö sinnum inná sem varamaður án þess að skora.

Viðar skoraði tvívegis fyrir Rostov í æfingaleikjum í janúar.


Athugasemdir
banner
banner