Spánn: Dramatískt jafntefli hjá Barca

Barcelona heimsótti Levante og þurfti sigur í spænsku titilbaráttunni. Lionel Messi og félagar mættu í leikinn fullir eldmóði og gjörsamlega rúlluðu yfir heimamenn í fyrri hálfleik.

Lionel Messi skoraði frábært mark og átti svo stóran þátt í marki Pedri og var staðan 0-2 í leikhlé.

Heimamenn í Levante tóku völdin eftir leikhlé og jöfnuðu leikinn á þremur mínútum. Gonzalo Melero skoraði með skalla áður en Jose Morales jafnaði eftir frábæra sókn en gleðin var skammlíf.

Ousmane Dembele kom Börsungum aftur yfir með frábæru marki fimm mínútum eftir jöfnunarmark Levante og var staðan 2-3 þar til á lokakaflanum.

Levante tókst þá að jafna, Sergio Leon skoraði frábært mark úr erfiðu og afar þröngu færi. Lokatölur urðu 3-3.

Þetta þýðir að Barcelona gæti verið að missa af titlinum, enda er þetta annað jafntefli liðsins í röð. Barca er í öðru sæti með tvo leiki óspilaða, einu stigi eftir toppliði Atletico Madrid sem á leik til góða.

Real Madrid er í þriðja sæti einu stigi á eftir, með leik til góða.

ATH! Það tekur tíma fyrir stöðutöfluna að uppfærast.