„Það er búið að ganga vel. Við fórum upp um deild á síðasta ári. Farnir að ná úrslitum í síðustu fimm leikjum, þetta leit ekkert allt of vel út í byrjun móts. Gott að vera búnir að læra vinna í nýrri deild,“ segir Davíð Snær Jóhannsson, leikmaður Álasunds í Noregi aðspurður um upphaf tímabilsins.
Hjá Álasund er Ólafur Guðmundsson liðsfélagi Davíðs en Fótbolti.net ræddi sömuleiðis við hann í vikunni.
Hjá Álasund er Ólafur Guðmundsson liðsfélagi Davíðs en Fótbolti.net ræddi sömuleiðis við hann í vikunni.
Davíð gekk til liðs við Álasund frá FH í lok árs 2023. Á tímabilinu hefur hann spilað níu leiki, þar af fimm í byrjunarliði.
„Ég er í frekar stóru hlutverki. Dálítið mikið inn og út úr byrjunarliðinu en alltaf í stóru hlutverki innan leiksins. Ég er búinn að rokka svolítið um stöður, búinn að spila frammi sem ég er ekki alveg beint vanur en það hefur gengið vel.“
„Það er alltaf stemning að vera frammi. Mér líður best þegar ég er tíu metrum fyrir aftan framherjann, ég held að það sé mitt besta hlutverk.“
Davíð var utan hóps í síðustu tveimur leikjum Álasunds.
„Það er búið að vera smá vesen á hásininni hjá mér. Þetta er í raun ekkert alvarlegt en sénsinn var of stór að taka rétt fyrir langt frí. Það var tekin ákvörðun um að setja mig í smá frí frekar en að gera þetta illt verra sem hefði orðið katastrófa. Nú er þetta allt komið í góðan farveg og verð klár fyrir næsta leik eftir sumarfrí.“
Viðtalið má sjá í heild sinni í spilaranum hér að ofan.
