England í dag - Liverpool fær Jóa Berg og félaga í heimsókn

Fimm leikir eru á dagskránni í ensku úrvalsdeildinni í dag. Allir eru þeir í beinni útsendingu á <i>Síminn Sport</i>. Watford er í harðri fallbaráttu og þarf nauðsynlega þrjú stig gegn Newcastle og á sama tíma getur Norwich fallið niður í Championship með tapi gegn West Ham.

Meistararnir í Liverpool mæta svo Jóhanni Berg Guðmundssyni og félögum klukkan 14:00. Jói er orðinn heill heilsu og verður hann að öllum líkindum í leikmannahópi Burnley í dag.

16:30 mætast Sheffield United og Chelsea í Evrópuslag og dagskránni lýkur svo með viðureign Brighton og Manchester City.