Union Berlin lagði Köln, 1-0, í þýsku deildinni í dag og er á toppnum eftir þessa umferð.

Eina mark leiksins kom á 3. mínútu. Timo Hubers ætlaði að stíga fyrir fyrirgjöf gestanna en það vildi ekki betur en að boltinn fór af honum og í nærhornið.

Jordan Siebatcheu fékk tækifæri til að tvöfalda forystu Union á 10. mínútu en Marvin Schwäbe varði frá honum.

Þegar níu mínútur voru eftir var Luca Kilian, leikmaður Köln, rekinn a velli er hann fékk sitt annað gula spjald.

Lokatölur 1-0 fyrir Union sem er á toppnum með 14 stig en Köln í 7. sæti með 9 stig. Köln hefur ekki unnið Union Berlin í deildarleik í átta ár og það var engin breyting á því í ár.