„Þetta er mikið svekkelsi, mér fannst við eiga skilið eitt stig að minnsta kosti," sagði Kári Árnason, varnarmaður íslenska landsliðsins, eftir naumt tap gegn Heimsmeisturum Frakklands í undankeppni EM 2020.
Lestu um leikinn: Ísland 0 - 1 Frakkland
„Mér fannst við vera með stjórn á þeim þangað til þeir skora í rauninni. Þá skapa þeir færi þegar við erum byrjiaðir að sækja á fleiri mönnum."
Það vantaði marga lykilleikmenn í lið Frakklands.
„Sérðu mennina sem koma í staðinn? Þetta eru leikmenn sem eru að spila með Bayern München, Tottenham og eitthvað. Það skiptir litlu máli fyrir þá hverjir spila. Þeir eru með gríðarlega sterkt lið og gætu örugglega verið með þrjú lið sem gætu barist um Heimsmeistaratitilinn."
Hvað fannst Kára um vítaspyrnuna sem Frakkar fengu?
„Mér sýndist vera einhver snerting, en hann tekur tvö skref og dettur svo. Enskur dómari hefði ekki fallið fyrir þessu, en að sjálfsögðu gerði Ítalinn það."
Viðtalið er í heild sinni hér að ofan.
Athugasemdir