mið 12. febrúar 2020 22:02
Sæbjörn Þór Þórbergsson Steinke
Championship: Luton af botninum - Jón Daði skoraði
Jón Daði í baráttunni í kvöld.
Jón Daði í baráttunni í kvöld.
Mynd: Getty Images
Færi forgörðum hjá Millwall.
Færi forgörðum hjá Millwall.
Mynd: Getty Images
Eins og í gærkvöldi fóru fram sex leikir í ensku Championship deildinni í kvöld.

Fjórir leikir hófust klukkan 19:45 og hefjum við yfirferðina á þeim. Í Bristol sigruðu heimamenn í City lið Derby County í fimm marka leik.

Bristol komst í 3-0 en Derby var nálægt endurkomu því liðið minnkaði muninn í 3-2 áður en leik lauk. Wayne Rooney var á sínum stað í liði Derby og bar fyrirliðabandið. Derby er tíu stigum frá umspilssæti en Bristol er með jafnmörg stig og Preston í baráttunni um síðasta sætið í umspili.

Cardiff fór til Huddersfield og valtaði yfir heimamenn. Huddersfield hefur verið í brasi í vetur eftir fall úr úrvalsdeildinni síðasta vor. Cardiff skoraði þrjú í kvöld án þess að heimamenn náðu inn marki. Cardiff, sem féll einnig í vor, er fjórum stigum frá umspilssæti.

Luton vann góðan sigur á Miðvikudagsmönnum. James Collins skoraði eina mark leiksins um miðjan fyrri hálfleik. Sigurinn kemur Luton úr botnsæti deildarinnar. James Collins hafði áður en hann skoraði klúðrað vítaspyrnu.

Millwall og Fulham skildu jöfn, 1-1. Aleksandar Mitrovic og Jón Daði Böðvarsson skoruðu mörkin í leiknum. Fulham er í 3. sæti deildarinnar með jafnmörg stig og Leeds sem er í öðru sæti. Jón Daði lék allan leikinn í kvöld.

Klukkan 20:00 hófust tveir leikir. Topplið West Brom sótti góð þrjú stig til Reading þar sem liðið kom til baka eftir að hafa lent undir snemma leiks. West Brom er nú með sex stiga forskot á toppinum.

Að lokum sigraði Preston lið Stoke á útivelli, 0-2. Stoke er í fjórða neðsta sæti en Preston kom sér upp í umspilssæti.

Bristol City 3 - 2 Derby County
1-0 Nahki Wells ('38 )
2-0 Filip Benkovic ('45 )
3-0 Famara Diedhiou ('58 )
3-1 Martyn Waghorn ('61 )
3-2 Chris Martin ('82 )

Huddersfield 0 - 3 Cardiff City
0-1 Josh Murphy ('28 )
0-2 Will Vaulks ('33 )
0-3 Callum Paterson ('69 )

Luton 1 - 0 Sheffield Wed
1-0 James Collins ('25 )

Millwall 1 - 1 Fulham
0-1 Aleksandar Mitrovic ('3 )
1-1 Jón Daði Böðvarsson ('7 )

Reading 1 - 2 West Brom
1-0 George Puscas ('11 , víti)
1-1 Matheus Pereira ('26 )
1-2 Kyle Bartley ('49 )

Stoke City 0 - 2 Preston NE
0-1 Alan Browne ('58 )
0-2 Tom Barkhuizen ('75 )
Stöðutaflan England Championship - karlar
  L U J T ms: mf: mun Stig
1 Leeds 38 25 7 6 70 28 +42 82
2 Leicester 37 26 4 7 74 33 +41 82
3 Ipswich Town 38 24 9 5 80 49 +31 81
4 Southampton 36 22 7 7 73 47 +26 73
5 West Brom 38 19 9 10 59 36 +23 66
6 Norwich 38 18 7 13 69 54 +15 61
7 Hull City 37 16 10 11 53 46 +7 58
8 Coventry 37 15 12 10 59 43 +16 57
9 Preston NE 37 16 8 13 49 54 -5 56
10 Middlesbrough 38 16 6 16 53 52 +1 54
11 Cardiff City 38 16 5 17 43 51 -8 53
12 Sunderland 38 14 6 18 48 45 +3 48
13 Watford 38 12 12 14 53 51 +2 48
14 Bristol City 38 13 8 17 42 45 -3 47
15 Swansea 38 12 10 16 48 58 -10 46
16 Millwall 38 11 10 17 36 50 -14 43
17 Blackburn 38 11 9 18 51 64 -13 42
18 Plymouth 38 10 11 17 54 62 -8 41
19 Stoke City 38 11 8 19 35 53 -18 41
20 QPR 38 10 10 18 36 50 -14 40
21 Birmingham 38 10 9 19 42 59 -17 39
22 Huddersfield 38 8 15 15 42 61 -19 39
23 Sheff Wed 38 11 5 22 30 61 -31 38
24 Rotherham 38 3 11 24 30 77 -47 20
Athugasemdir
banner
banner
banner