Sakar dómara um leiðinleg ummæli - „Þið eruð ennþá á fallsvæðinu"

Gosling segir að Moss hafi látið leiðinleg ummæli falla í garð leikmanna Bournemouth í leiknum.

„Þið eruð ennþá á fallsvæðinu," sagði Moss meðal annars auk þess sem hann gagnrýndi frammistöðu leikmanna Bournemouth og sagði þá vera að spila illa.

„Mér fannst hann sýna mikla vanvirðingu með því sem hann sagði. Mér fannst hann vera til skammar," sagði Gosling.„Dómarar töluðu um virðingu fyrir tímabilið en það var engin virðing hjá Jon Moss á sunnudaginn."

Bournemouth ku hafa rætt við ensku úrvalsdeildina og kvartað yfir hegðun Moss í leiknum.