Fótbolti.net

mán 12. febrúar 2024 11:34

Elvar Geir Magnússon

Almería gæti tekið metið neikvæða af Derby sem versta liðið

Almería hefur ekki haft margar ástæður til að fagna á þessu tímabili.

Mynd: EPA

Luis Suarez, sóknarmaður Almería.

Mynd: EPA

Tímabilið 2007-08 átti Derby County versta tímabil í sögu fimm stærstu deilda Evrópu þegar liðið féll úr ensku úrvalsdeildinni með aðeins ellefu stig.

Spænska liðið Almería gerir nú tilkall í að hirða þetta neikvæða met af Derby en liðið er aðeins með sex stig eftir fyrstu 23 umferðirnar í La Liga. Liðið hefur enn ekki unnið leik.

Fyrir tímabilið voru stuðningsmenn Almería nokkuð bjartsýnir enda hafði eigandinn Turki Al-Sheikh frá Sádi-Arabíu tekið upp veskið til að styrkja leikmannahópinn.

En allt hefur gengið á afturfótunum hjá Almería og sjálfstraust leikmannahópsins er við frostmark.

12.02.2024 05:55

Spánn í dag - Athletic heimsækir botnliðið

Varnarleikurinn hefur skánað eftir að Gaizka Garitano var ráðinn stjóri liðsins en það tapaði hinsvegar sex fyrstu deildarleikjunum undir hans stjórn. Ofan á það kom vandræðalegt tap gegn D-deildarliðinu Barbastro í bikarkeppninni.

Tölfræðin segir að Almería sé alls ekki svona lélegt lið
Eitt það áhugaverðasta varðandi Almería er að tölfræðin segir liðið miklu betra en stigataflan sýnir. Sérstaklega í leikjum gegn liðunum í efri hlutanum.

Almería var mun betra liðið gegn Atletico Madrid á útivelli en tapaði 2-1. Liðið náði næstum því stigi af meisturum Barcelona en Sergi Roberto skoraði sigurmark Börsunga seint í leiknum. Þá var liðið 2-0 yfir gegn Real Madrid á Bernabeu en Madrídingar skoruðu þrívegis í seinni hálfleik, þar á meðal sigurmark á 99. mínútu.

Samkvæmt xG tölfræðinni yfir vænt mörk ætti Almería ekki einu sinni að vera í fallsæti. En þrátt fyrir það gæti lið skráðst sem versta lið sögunnar.

En þarna liggur hundurinn grafinn. Liðið er lélegt í að klára færin sín og fær á sig ódýr mörk út af klaufalegum varnarleik. Síðasti leikur liðsins, gegn Valencia, endurspeglaði þetta. Miðjumaðurinn Gonzalo Melero klúðraði dauðafæri snemma leiks og tveimur mínútum síðar var Hugo Duro sóknarmaður andstæðingana með opið mark og skoraði fyrsta mark leiksins. Valencia vann á endanum 2-1.

Almería á leik gegn Athletic Bilbao í kvöld og gæti sett spænskt met yfir flesta leiki í byrjun móts án sigurs. Stuðningsmenn Derby vonast til þess að slæmt gengi liðsins haldi áfram. Það eru fimmtán leikir eftir af mótinu.

Lægsti stigafjöldi í stærstu deildum Evrópu (síðan þriggja stiga reglan var tekin upp)
Enska úrvalsdeildin: Derby County 2007-08 (11)
La Liga: Sporting Gijon 1997-98 (13)
Þýska Búndesligan: Schalke 2020-21 (16)
Franska deildin: Lens 1988-89 (17)
Ítalska A-deildin: Pescara 2016-17 (18)

		L	U	J	T	ms:	mf:	mun	Stig
1	Barcelona	37	31	1	5	94	33	+61	94
2	Real Madrid	37	26	5	6	73	33	+40	83
3	Villarreal	37	21	6	10	67	45	+22	69
4	Atletico Madrid	37	21	6	10	61	39	+22	69
5	Betis	37	14	15	8	57	47	+10	57
6	Celta	37	13	12	12	52	48	+4	51
7	Getafe	37	14	6	17	31	38	-7	48
8	Vallecano	37	11	14	12	39	43	-4	47
9	Valencia	37	12	10	15	43	54	-11	46
10	Real Sociedad	37	11	12	14	58	60	-2	45
11	Espanyol	37	12	9	16	42	54	-12	45
12	Athletic	37	13	6	18	41	54	-13	45
13	Alaves	37	11	10	16	43	54	-11	43
14	Sevilla	37	12	7	18	46	59	-13	43
15	Osasuna	37	11	9	17	44	49	-5	42
16	Elche	37	10	12	15	48	56	-8	42
17	Levante	37	11	9	17	46	59	-13	42
18	Girona	37	9	13	15	38	54	-16	40
19	Mallorca	37	10	9	18	44	57	-13	39
20	Oviedo	37	6	11	20	26	57	-31	29