banner
   þri 12. mars 2019 23:22
Arnar Helgi Magnússon
Fyrrum liðsfélagi David Beckham í Kórdrengi (Staðfest)
Leikmennirnir við undirskriftina.
Leikmennirnir við undirskriftina.
Mynd: Kórdrengir
Kórdrengir halda áfram að styrkja sig fyrir komandi átök í 3. deildinni en liðið hefur nú fengið til sín tvo nýja leikmenn. Þetta eru þeir Yohance Marshall og Keston George.

Yohance er 32 ára miðvörður sem hefur komið víða við á löngum ferli sínum sem knattspyrnumaður. Hann á að baki fimmtán landsleiki fyrir Trinidad og Tobago.

Árin 2009-2010 var hann á mála hjá LA Galaxy og spilaði hann tvo leiki fyrir liðið. David Beckham var þá liðsfélagi Yohance hjá liðinu.

Keston George er miðjumaður sem er einnig frá Trinidad og Tobago og var hann í landsliðshópnum nú síðast árið 2018.

„Kórdrengir halda áfram að sýna gríðarlegan metnað í leikmannamálum og eru markmiðin skýr! Við erum ekki alveg hættir. Við munum koma með aðra stóra tilkynningu á morgun!" segir á Facebook-síðu Kórdrengja.


Athugasemdir
banner
banner