Rodgers: Tókst ekki að brjóta vörnina niður

Leicester tapaði þá óvænt á heimavelli gegn Newcastle í jöfnum leik, þar sem heimamenn héldu boltanum á meðan gestirnir lágu á eigin vallarhelmingi og beittu skyndisóknum.

„Það er erfitt að brjóta svona lið niður, við þurfum að bæta okkur í þessu. Það var ekki mikið í þessum leik, okkur tókst einfaldlega ekki að brjóta vörnina niður," sagði Rodgers að leikslokum.

„Við munum læra af þessu, þess vegna var ég ráðinn hingað. Við færðum boltann ekki nógu hratt og leyfðum þeim að loka sér.

„Við þurfum að vinna svona leiki í framtíðinni. Þetta var lærdómsríkur tapleikur."