Steven Lennon hjá FH er í liðinu.
Gunnleifur byrjar tímabilið af krafti.
Úrvalslið 1. umferðar Pepsi-deildarinnar er hér að neðan en það er valið eftir einkunnagjöf hjá fréttariturum síðunnar. Domino's býður upp á úrvalsliðið og leikmann umferðarinnar sem kynntur verður síðar í dag.
Gunnlaugur Jónsson hjá ÍA er þjálfari umferðarinnar. Hann landaði fullu húsi gegn Leikni í 1. deildinni í fyrra og sótti þrjú stig á Leiknisvöll í nýliðaslag Pepsi-deildarinnar. Stig sem gætu reynst ansi dýrmæt þegar upp verður staðið.
Maður leiksins á Leiknisvelli var varnarmaðurinn ungi Arnór Snær Guðmundsson en hann og Ármann Smári Björnsson voru mjög góðir í hjarta varnarinnar hjá ÍA.
Fjórir í úrvalsliðinu núna voru líka í liðinu í fyrstu umferðinni. Það eru Gunnleifur Gunnleifsson, markvörður Blika sem gerðu jafntefli við KR, Ívar Örn Jónsson sem heldur áfram að standa undir nafninu Aukaspyrnu-Ívar hjá Víkingum, Aron Sigurðarson hjá Fjölni og Atli Guðnason hjá FH.
Víkingar gerðu 2-2 jafntefli við Val þar sem Sigurður Egill Lárusson átti mjög góðan leik hjá Val gegn sínu uppeldisfélagi.Brynjar Gauti Guðjónsson var einnig að mæta fyrrum félögum en hann var flottur í vörn Stjörnunnar sem vann 2-0 útisigur gegn ÍBV.
Þorri Geir Rúnarsson var hrikalega öflugur á miðju Garðabæjarliðsins í þeim leik og Guðmundur Karl Guðmundsson skoraði mark Fjölnis í jafntefli gegn Fylki.
Daninn Sören Frederiksen opnaði markareikning sinn fyrir KR og er í liðinu ásamt FH-ingunum Atla og Steven Lennon sem voru flottir í sigri gegn Keflavík. Atli átti tvær stoðsendingar og Lennon var líflegur og skoraði mark.
Fyrri úrvalslið:
1. umferð
Athugasemdir
