mið 12. maí 2021 23:30
Guðmundur Aðalsteinn Ásgeirsson
Kallað eftir því að Man Utd verði refsað - Klopp ekki sammála
Solskjær gerði tíu breytingar.
Solskjær gerði tíu breytingar.
Mynd: Getty Images
Sigur Leicester gæti haft mikil áhrif á Meistaradeildarbaráttu Liverpool.
Sigur Leicester gæti haft mikil áhrif á Meistaradeildarbaráttu Liverpool.
Mynd: Getty Images
Jurgen Klopp, stjóri Liverpool.
Jurgen Klopp, stjóri Liverpool.
Mynd: Getty Images
Manchester United stillti upp mjög breyttu liði gegn Leicester í ensku úrvalsdeildinni í gær.

Ole Gunnar Solskjær, stjóri Man Utd, gerði tíu breytingar á liðinu frá sigurleik gegn Aston Villa um síðustu helgi. Það er mjög þétt spilað og Solskjær ákvað að hvíla margan manninn í þessum leik.

Anthony Elanga, 19 ára sænskur vængmaður, spilaði sinn fyrsta leik fyrir aðalliðið og Amad Diallo lék sinn fyrsta byrjunarliðsleik í ensku úrvalsdeildinni.

Byrjunarlið Manchester United gegn Leicester: De Gea, Williams, Bailly, Tuanzebe, Telles, Matic, van de Beek, Mata, Amad, Greenwood, Elanga.

United endaði á því að tapa leiknum, 1-2, en það eru úrslit sem geta haft mikil áhrif á Meistaradeildarbaráttuna. Það hafa enhverjir kallað eftir því að Man Utd verði refsað fyrir að breyta liði sínu eins mikið og þeir gerðu.

Trevor Sinclair, fyrrum leikmaður Manchester City, kallaði þetta vanvirðingu og segir að það eigi að taka sex stig af Man Utd.

„Þetta er B-liðið þeirra, þetta er vanvirðing og þetta hefur mikil áhrif á baráttuna um efstu fjögur sætin," sagði Sinclair á Talksport.

Man Utd mætir Liverpool á morgun í leik sem átti að fara fram í byrjun þessa mánaðar. Honum var frestað vegna mótmæla stuðningsmanna Man Utd á Old Trafford. Hann var settur á morgundaginn og ákvað Solskjær því að hvíla menn fyrir þann leik.

„Af hverju gerðu félagið og lögreglan ekki meira til að koma í veg fyrir að fólk kæmist inn á völlinn? Ég held að það þurfi að refsa Man Utd. Þrjú stig er ekki nóg því það gerir ekki nægilega mikið... mér finnst að það ætti að taka sex stig af Man Utd."

Man Utd er búið að tryggja sér Meistaradeildarsæti og sá sér þess vegna fært að hvíla menn í þessum leik. Þetta gæti hins vegar haft mikil áhrif á félag eins og Liverpool því núna er Leicester í þriðja sæti, níu stigum á undan Liverpool. Lærisveinar Jurgen Klopp í Liverpool eiga fjóra leiki eftir og Leicester á tvo.

Richard Keys, sérfræðingur BeIN Sports finnst að Man Utd eigi að stilla upp sama byrjunarliði gegn Liverpool á morgun sem refsingu.

Klopp ekki sammála
Klopp, stjóri Liverpool, hefur tjáð sig um málið og hann er ekki sammála sérfræðingunum. Hann skilur stöðuna sem Solskjær er í.

„Ég bjóst við þessu byrjunarliði, þeir eru að spila sunnudag, þriðjudag og fimmtudag. Það er glæpur. Þetta er ekki Ole eða leikmönnunum að kenna. Ég hefði gert það sama og hann," sagði Klopp.
Stöðutaflan England Premier league - karlar
  L U J T ms: mf: mun Stig
1 Arsenal 28 20 4 4 70 24 +46 64
2 Liverpool 28 19 7 2 65 26 +39 64
3 Man City 28 19 6 3 63 28 +35 63
4 Aston Villa 29 17 5 7 60 42 +18 56
5 Tottenham 28 16 5 7 59 42 +17 53
6 Man Utd 28 15 2 11 39 39 0 47
7 West Ham 29 12 8 9 46 50 -4 44
8 Brighton 28 11 9 8 50 44 +6 42
9 Wolves 28 12 5 11 42 44 -2 41
10 Newcastle 28 12 4 12 59 48 +11 40
11 Chelsea 27 11 6 10 47 45 +2 39
12 Fulham 29 11 5 13 43 44 -1 38
13 Bournemouth 28 9 8 11 41 52 -11 35
14 Crystal Palace 28 7 8 13 33 48 -15 29
15 Brentford 29 7 5 17 41 54 -13 26
16 Everton 28 8 7 13 29 39 -10 25
17 Luton 29 5 7 17 42 60 -18 22
18 Nott. Forest 29 6 7 16 35 51 -16 21
19 Burnley 29 4 5 20 29 63 -34 17
20 Sheffield Utd 28 3 5 20 24 74 -50 14
Athugasemdir
banner
banner
banner
banner