„Við ætlum ekkert að hætta hérna," sagði landsliðsmaðurinn Kári Árnason eftir 2-0 sigur gegn FH í Pepsi Max-deildinni í kvöld.

Víkingar eru komnir á topp deildarinnar og eru þeir eina taplausa liðið eftir stórkostlega byrjun á mótinu.

Lestu um leikinn: Víkingur R. 2 -  0 FH

„Gott lið eins og FH á alltaf sína kafla. Þeir áttu kafla þar sem þeir héldu boltanum mikið betur en við í seinni hálfleik. Engu að síður var þetta þægilegt, kannski fyrir utan fyrstu 15 mínúturnar þar sem við liggjum svolítið lágt."

Nikolaj Hansen hefur verið frábær í sumar og er hann markahæsti leikmaður Pepsi Max-deildarinnar. Hann skoraði bæði mörk Víkinga í dag.

„Ég hef kannski ekki verið að segja það í fjölmiðlum en ég veit hvað þessir strákar geta. Þetta snýst um að þeir hafi trú á því. Nikolaj er á sínum degi einn af þeim erfiðustu að eiga við, ég þekki það af eigin reynslu."

„Þegar hann bætir við markaskorun í sinn leik, þá er þetta besti sóknarmaður deildarinnar, eða einn af þeim."

Hægt er að sjá viðtalið í heild sinni hér að ofan.

Tweet

Senda a Facebook Hafdu samband Senda frétt Prenta frétt Frétta leit