| þri 12. október 2021 19:40 |
|
Sævar Atli: Spenntur að spila aftur við þá
"Mér fannst við ekki síðra liðið í dag, okkar gameplan var klárlega að leyfa þeim að vera með boltann, koma upp með boltann og setja svo pressu á þá, það gekk vel við fengum góð færi, þeir fengu góð færi þannig þetta var bara hörkuleikur sem datt þeirra megin í dag og þetta var gríðarlega svekkjandi" sagði Sævar Atli í viðtali eftir leik.
Lestu um leikinn: Ísland U21 0 - 1 Portúgal U21
Hvernig fannst Sævari portúgalska liðið?
"Þeir eru helvíti öflugir, þeir eru með nokkra einstaklinga sem eru rosalega öflugir á boltann en það er ekki alltaf það sem maður vill í fótbolta, of marga gæja sem nenna að hanga á boltanum þannig við vissum að ef við myndum vera þolinmóðir í vörninni þá myndu alltaf koma einhver mistök sem við myndum nýta okkur og við vorum nálægt því í dag"
Sanngjörn úrslit að mati Sævars?
"Nei fannst þetta ekki sanngjörn úrslit en svona er bara fótboltinn, stundum náum við ekki að koma boltanum yfir línunna en ég er gríðarlega spenntur að fara spila á móti þessu liði aftur því við eigum klárlega séns í þá"
Viðtalið má sjá í heild sinni hér fyrir ofan þar sem Sævar talar um tíma sinn hjá Lyngby og hvernig það sé að hafa Frey Alexandersson sem aðalþjálfara.
Athugasemdir
