Þjóðadeildin í dag - Risa áfangi fyrir Kane

Fjórir leikir eru á dagskrá í A deild Þjóðadeildarinnar í kvöld. Það eru áhugaverðir leikir í riðli þrjú þar sem Tékkland og Spánn mætast annars vegar og England og Króatía hins vegar.

Það má gera ráð fyrir því að Harry Kane spili í kvöld en þetta verður 126. landsleikurinn hans og mun hann því bæta met Peter Shilton og verða leikjahæsti enski landsliðsmaður sögunnar. Spánn er komið í 8-liða úrslitum en Englandi dugir stig til að komast áfram.

Það er spenna í riðli eitt þar sem Frakkland er með tíu stig, Ítalía sjö, Belgía sex en Tyrkland án stiga.

Svartfjallaland og Kýpur berjast um tvö efstu sætin í riðli tvö á C-deild en Svartfjallaland er með þriggja stiga forystu. Þá er gríðarleg spenna í riðli eitt þar sem Albanía er með níu stig, Belarús með sjö og Finnland sjö en San Marínó án stiga.