„Því miður varð Ben Davies fyrir litlum meiðslum," sagði Jurgen Klopp, stjóri Liverpool, fyrir leikinn.

Davies er 25 ára gamall varnarmaður sem var fenginn til Liverpool frá Preston til að auka breiddina í varnarlínunni vegna mikilla meiðsla leikmanna félagsins.

Fabinho er að glíma við meiðsli og er ekki heldur með í dag. Ozan Kabak, sem er í láni frá Schalke, og fyrirliðinn Jordan Henderson leika í miðverði hjá Liverpool í dag. Miðverðirnir Virgil van Dijk, Joe Gomez og Joel Matip eru allir frá út tímabilið. Það er eins og það sé einhver bölvun á miðvarðarstöðunni hjá félaginu.

Það er reyndar ekki bara miðvarðastaðan því James Milner fór meiddur af velli í fyrri hálfleik gegn Leicester.