Spánn í dag - Nær Real að halda í við nágranna sína?

Valladolid tekur á móti Villarreal, sem er komið í úrslitaleik Evrópudeildarinnar gegn Manchester United, klukkan 17:00 og klukkutíma síðar mætast Eibar og Betis. Villarreal og Betis eru í ágætis málum í Evrópubaráttu en Eibar og Valladolid þurfa á stigum að halda í fallbaráttunni.

Klukkan 20:00 er svo leikur Granada og Real Madrid. Granada er um miðja deild á meðan Real er í þriðja sæti.

Real er fimm stigum á eftir nágrönnum sínum í Atletico Madrid - toppliðinu - eftir sigur Atletico á Real Sociedad. Real á þrjá leiki eftir og Atletico tvo leiki. Barcelona er í öðru sæti, fjórum stigum á eftir Atletico.

fimmtudagur 13. maí
17:00 Valladolid - Villarreal (Stöð 2 Sport 2)
18:00 Eibar - Betis
20:00 Granada CF - Real Madrid (Stöð 2 Sport 2)