Kórdrengir og Fylkir gerðu jafntefli í Safamýri í kvöld þar sem Kórdrengir voru mun betri í fyrri hálfleik en leikur Fylkis batnaði mikið eftir hlé og jafntefli niðurstaðan.
Lestu um leikinn: Kórdrengir 1 - 1 Fylkir
„Við vorum bara heppnir að ná í stig hérna, við mættum hörkuliði," sagði Rúnar Páll Sigmundsson, þjálfari Fylkis.
„Þeir létu okkur finna fyrir því. Við verðum að vera tilbúnir í svona leiki í sumar. Ég er ánægður með þetta stig úr því sem komið var. Svo bjargar Óli (Ólafur Kristófer Helgason markvörður) okkur frá tapi í lokin."
Rúnar sagði að frammistaða Fylkisliðsins hafi ekki verið góð en vildi fá vítaspyrnu í stöðunni 1-1. Hann vildi þó ekki ræða nánar um dómgæsluna í leiknum.
