Gareth Bale og Sergio Reguilon hafa ekki verið að æfa með leikmannahópi Real Madrid um helgina og gætu þeir báðir verið á förum frá félaginu á næstu vikum.
Reguilon er eftirsóttur af Sevilla og Manchester United. Rauðu djöflarnir vilja kaupa Reguilon en Sevilla vill fá hann á lánssamningi.
Bakvörðurinn myndi kjósa Sevilla en óljóst er hvort Real Madrid sé reiðubúið að samþykkja lánstilboð frá félaginu.
Real er líklega tilbúið til að leyfa Bale að fara á frjálsri sölu ef eitthvað félag er reiðubúið til að mæta himinháum launakröfum velsku stórstjörnunnar.
Bale á tvö ár eftir af samningi sínum við Real þar sem hann fær um 600 þúsund evrur í vikulaun fyrir skatt.
Man Utd hefur einnig verið orðað við Bale í ljósi þess að félagaskipti Jadon Sancho virðast ekki ætla að ganga í gegn.
Athugasemdir