Espirito Santo gagnrýndi VAR myndbandskerfið sem er notað í úrvalsdeildinni og sagðist vonast til að það yrði lagað í framtíðinni.

„Við spiluðum nógu vel til að vinna þennan leik. Við skoruðum mark en það dugði ekki til. Dómarinn sagði að þetta væri rangstæða en ég skil ekki hvaða hagnað við höfðum af henni," sagði Espirito Santo.

„Við þurfum að læra að lifa með þessu og vona að kerfið verði bætt. Það er augljóst að þeir verða að bæta það. Ég er viss um að það verði gert."

Þetta var tólfta jafntefli Úlfanna á deildartímabilinu og sitja þeir í sjöunda sæti, þremur stigum frá Evrópusæti.