Real Madrid tók á móti Valencia og vann þægilegan sigur þökk sé mörkum frá Karim Benzema og Toni Kroos í fyrri hálfleik.

Sigur Real var aldrei í hættu og er liðið í öðru sæti, með 49 stig eftir 23 umferðir.

Valencia er í neðri hluta deildarinnar, þremur stigum fyrir ofan fallsvæðið.

Real Madrid 2 - 0 Valencia
1-0 Karim Benzema ('12)
2-0 Toni Kroos ('42)

Það var sænski sóknarmaðurinn Alexander Isak sem gerði eina mark leiksins er Real Sociedad hafði betur gegn Getafe.

Liðin áttust við í fyrri leik dagsins og var viðureignin hrikalega bragðdauf og tíðindalítil, bæði fyrir og eftir mark Isak. Í heildina rötuðu tvö skot af níu á rammann allan leikinn.

Sociedad er í fimmta sæti eftir sigurinn, sex stigum frá Sevilla í Meistaradeildarsæti.

Getafe 0 - 1 Real Sociedad
0-1 Alexander Isak ('30)