Championship: Derby steinlá í fyrsta leik Eustace

QPR tók á móti Derby County í fyrsta leik helgarinnar í ensku Championship deildinni og var þetta fyrsti leikur John Eustace við stjórnvölinn hjá Derby, eftir að félagið keypti hann frá Blackburn Rovers á dögunum.

Ljóst er að Eustace á nokkuð erfitt verkefni fyrir höndum sér eftir 4-0 tap gegn QPR í dag, þar sem Ilias Chair og Koki Saito skoruðu í fyrri hálfleik.

Chair bætti þriðja markinu við í síðari hálfleik áður en Ronnie Edwards gerði endanlega út um viðureignina.

Derby er í fallsæti eftir tapið, með 29 stig úr 33 umferðum. QPR er um miðja deild með 44 stig - aðeins þremur stigum frá umspilssæti.