Empoli og Salernitana gerðu 1-1 jafntefli þar sem Federico Bonazzoli jafnaði metin fyrir Salernitana þegar fimmtán mínútur voru eftir af leiknum. Diego Perotti gat tryggt Salernitana sigur og um leið sæti í efstu deild þegar liðið fékk vítaspyrnu á 84. mínútu en Guglielmo Vicario varði frá honum.

Leiknum lauk því 1-1 en þessi úrslit þýða það að Venezia er fallið niður í B-deildina og var það ljós áður en liðið mætti Roma í síðasta leiknum í dag.

Salernitana er á meðan í 17. sæti deildarinnar með 31 stig. Cagliari er í 18. sæti með 29 stig og Genoa í 19. sæti með 28 stig. Cagliari mætir Inter á morgun á meðan Genoa heimsækir Napoli.

Roma missteig sig í baráttunni um Evrópudeildarsæti er liðið gerði 1-1 jafntefli við Venezia. David Okereke kom Venezia yfir á 1. mínútu en hálftíma síðar missti liðið Sofian Kiyine af velli. Hann sparkaði viljandi í punginn á Lorenzo Pellegrini og uppskar því rautt spjald.

Eldor Shomuroduv náði jöfnunarmarki fyrir Roma en lengra komst liðið ekki. Roma er í 6. sæti með 60 stig en þarf að treysta á að Atalanta og Fiorentina tapi stigum á morgun.

Úrslit og markaskorarar:

Empoli 1 - 1 Salernitana
1-0 Patrick Cutrone ('31 )
1-1 Federico Bonazzoli ('76 )
1-1 Diego Perotti ('84 , Misnotað víti)

Verona 0 - 1 Torino
0-1 Josip Brekalo ('19 )

Roma 1 - 1 Venezia
0-1 David Okereke ('1 )
1-1 Eldor Shomurodov ('76 )
Rautt spjald: Sofian Kiyine, Venezia ('32)

Udinese 2 - 3 Spezia
1-0 Nahuel Molina ('26 )
1-1 Daniele Verde ('35 )
1-2 Emmanuel Gyasi ('45 )
1-3 Giulio Maggiore ('47 )
2-3 Pablo Mari ('90 )
2-3 Rey Manaj ('90 , Misnotað víti)

Tweet

Senda a Facebook Hafdu samband Senda frétt Prenta frétt Frétta leit