Ólafur Kristjánsson.
„Það er ákveðið spennufall," sagði Ólafur Kristjánsson, þjálfari FH, um sín fyrstu viðbrögð eftir sigur á KR í undanúrslitum Mjólkurbikarsins í kvöld.
„Við vorum að mæta gríðarlega öflugu KR-liði sem er búið að vera virkilega gott í sumar. Auðvitað hefur maður alltaf trú á því að maður geti unnið. Við byrjum vel, með marki. Þeir koma sér inn í leikinn með marki og eru sterkari í fyrri hálfleiknum. En svipað og í Valsleiknum þá náum við að stilla okkur af í hálfleik og eigum virkilega flottan seinni hálfleik."
„Við vinnum - að mér fannst - verðskuldað," sagði Óli.
„Við vorum að mæta gríðarlega öflugu KR-liði sem er búið að vera virkilega gott í sumar. Auðvitað hefur maður alltaf trú á því að maður geti unnið. Við byrjum vel, með marki. Þeir koma sér inn í leikinn með marki og eru sterkari í fyrri hálfleiknum. En svipað og í Valsleiknum þá náum við að stilla okkur af í hálfleik og eigum virkilega flottan seinni hálfleik."
„Við vinnum - að mér fannst - verðskuldað," sagði Óli.
Lestu um leikinn: FH 3 - 1 KR
Umræðan hefur kannski ekki verið sérstaklega jákvæð í garð FH í sumar, en liðið hefur verið að ná í góð úrslit að undanförnu og er núna í þriðja sæti í deild og í úrslitaleik bikars.
„Þegar stórveldi hikstar aðeins þá hlakkar í öllum, en við höfum bara haldið kúrs," sagði Óli og bætti við:
„Á síðustu dögum höfum við verið að fá SMS um hvernig á að stilla upp liðinu. Frábær hjálp, en við verðum bara að trúa á það sem við erum að gera og halda áfram. Annað hvort tekst það eða það tekst ekki."
Viðtalið er hér að ofan.
