Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   mán 14. september 2020 19:44
Aksentije Milisic
Jón Dagur skoraði í sigri á Vejle - Kristófer kom inn á hjá Young PSV
Mynd: Jón Dagur Þorsteinsson
AGF og Vejle áttust við í íslendingaslag í dönsku úrvalsdeildinni í dag en þetta var leikur í fyrstu umferðinni.

Jón Dagur Þorsteinsson var í byrjunarliði AGF og spilaði hann 83. mínútur í kvöld.

Staðan var 2-0 fyrir heimamönnum í AGF í hálfleik og það var svo Jón Dagur sjálfur sem skoraði þriðja markið á 58. mínútu og kom heimamönnum í þægileg 3-0 forystu.

Gestirnir komu sér aftur inn í leikinn og skoruðu tvö mörk á stuttum tíma áður en AGF innsiglaði sigurinn í uppbótartíma.

Kjartan Henry Finnbogason, sem var markahæsti leikmaður Vejle á síðasta tímabili, spilaði tuttugu mínútur fyrir gestina í dag og var hann ekki sáttur með það í viðtali eftir leikinn. Þar segist hann hafa verið svekktur og mjög hissa.

Kristófer Ingi Kristinsson kom þá inn af varamannabekknum hjá Young PSV sem vann Jong Ajax í þriðju umferð í hollensku B-deildinni.
Athugasemdir
banner
banner
banner