14.11.26 - 13:30
Jóhann Þór Hólmgrímsson
Raphinha fékk rautt í tapi gegn Japan - „Spiluðum á móti dómaranum"
Mynd: EPA
Mynd: EPA
Brasilíumaðurinn Raphinha var allt annað en sáttur eftir 3-2 tap Brasilíu gegn Japan í æfingaleik í morgun.
Japan náði tveggja marka forystu en Vinicius Junior skoraði tvennu og jafnaði metin. Það var síðan Tatsuhiro Sakamoto, leikmaður Coventry, sem tryggði Japan sigurinn í uppbótatíma.
Japan náði tveggja marka forystu en Vinicius Junior skoraði tvennu og jafnaði metin. Það var síðan Tatsuhiro Sakamoto, leikmaður Coventry, sem tryggði Japan sigurinn í uppbótatíma.
Brasilíumenn voru ekki sáttir og töldu að það hefði átt að dæma brot í aðdragandanum. Raphinha var farinn af velli en hann og Carlo Ancelotti mótmæltu markinu og dómarinn gaf þeim báðum rautt spjald.
„Ég biðst afsökunar á rauða spjaldinu. En það er stundum erfitt að hafa hemil á sér eftir öll þessi dómaramistök. Ég reyndi oft að tala við hann en hann neitaði að hlusta. Þetta er óásættanlegt. Við spiluðum á móti dómaranum í dag," sagði Raphinha.
„Ég biðst afsökunar á rauða spjaldinu. En það er stundum erfitt að hafa hemil á sér eftir öll þessi dómaramistök. Ég reyndi oft að tala við hann en hann neitaði að hlusta. Þetta er óásættanlegt. Við spiluðum á móti dómaranum í dag," sagði Raphinha.
