Fótbolti.net

Glódís: Mér fannst allir vera að skila sínu 120%

Sævar var hræddur eftir höggið: Sem betur fer gerðist ekkert

Vildi breyta til og skora á sjálfan sig - „Fannst þetta rétt skref"

Arnór Sig: Höfum haft heilt ár til að undirbúa okkur

Rúnar Alex: Verðlaun fyrir alla þessa vinnu sem ég hef lagt á mig

Hákon Arnar: Mest frá vinum sem eru að plata mig í eitthvað rugl

Sjáðu allt það helsta úr dramatískum sigri Manchester United

Arnar Grétars: Ástæðan fyrir því að við erum ekki að fá á okkur mörk

„Mér líður samt eins og við höfum tapað frekar en að Valur hafi unnið"

Hanskarnir ekki lengst upp á hillu - „Kom strax til baka því ég elska Ísland"

Arnar segir Albert ekki hafa viljað vera á bekknum

Ánægður að hafa farið til Eyja - „Kom mér á óvart hvað það er haldið vel utan um þetta"

„Margt sem við þurfum að vinna í"

Óliver Steinar: Addi sannfærði mig um að koma í Val

Ómar Ingi: Verðum að gera betur ef þessi staða kemur upp

Davíð Smári: Lítum á þetta sem góða æfingu við toppaðstæður

Hemmi Hreiðars: Erum á töluvert betri stað en fyrir ári

Hlynur Freyr: Rétta skrefið að koma heim í meistaraflokksbolta

Varð að fara frá Sviss - Ísland besti kosturinn og leist best á KR

TM-Mót Stjörnunnar 2023

mið 14. desember 2022 14:30

@gummi_aa

Guðmundur Aðalsteinn Ásgeirsson

„Forréttindi að hafa haft tvær Chelsea goðsagnir sem þjálfara"

Hörður Ingi Gunnarsson.

Mynd: Fótbolti.net - Hafliði Breiðfjörð

Tore André Flo fagnar marki með Chelsea. Hann er í dag þjálfari Sogndal í Noregi.

Mynd: Getty Images

„Fyrsta tímabilið var gott. Þetta gekk held ég bara nokkuð fínt þó við skjótum okkur sjálfa svolítið í fótinn með að klúðra umspilinu," segir Hörður Ingi Gunnarsson, leikmaður Sogndal í Noregi, í samtali við Fótbolta.net.

Hörður, sem á tvo A-landsleiki að baki, var að klára sitt fyrsta tímabil í atvinnumennsku. Hann gekk í raðir Sogndal frá FH í janúar síðastliðnum.

Hörður, sem er 24 ára, lék nokkuð stórt hlutverk á tímabilinu og byrjaði 22 af 30 deildarleikjum er Sogndal rétt missti af sæti í umspili um sæti í norsku úrvalsdeildinni.

„Þetta var lærdómsríkt. Ég lærði helling af þessu. Ég hlakka til þess að fara út aftur og byrja nýtt tímabil."

„Þetta kom upp tiltölulega snemma í janúar og tók ekki langan tíma. Þetta voru einhverjir fjórir dagar í heildina. Þetta heillaði mig og ég sé ekki eftir því að hafa stokkið á þetta tækifæri."

Hann lýsir Sogndal sem litlum, krúttlegum bæ í suðurhluta Noregs. Það búa um tíu þúsund manns í bænum. „Það er gott að vera þarna," segir Hörður en tveir aðrir Íslendingar eru á mála hjá félaginu; Jónatan Ingi Jónsson og Valdimar Þór Ingimundarson.

„Það er draumur í dós að vera með þessa tvo með sér. Við erum oft að rugla og bulla saman. Við náum mjög vel saman og það er geðveikt að vera með þá með mér. Ég tók einhverja tíu daga þarna einn. Ég vissi það að Valdi gæti komið en eftir að hann kom þá vorum við saman í einhverja tvo, þrjá mánuði áður en Jónatan kom. Það hjálpar gífurlega að vera með tvo aðra Íslendinga með sér, og sérstaklega þar sem við þekktumst vel fyrir."

Tore André Flo er þjálfari Sogndal, en hann lék lengi vel með enska stórliðinu Chelsea. „Það eru forréttindi fyrir mig sem Chelsea stuðningsmann að hafa haft tvær Chelsea goðsagnir sem þjálfara; Eið Smára og Tore. Hann er þvílíkt stór í Noregi, hann er nánast eins og Billy Joel. Fólk stoppar hann út um allt þegar við erum í göngutúrum fyrir leiki. Hann kemur inn með mikla reynslu og þekkingu á leiknum."

„Það er ákveðin lyftistöng fyrir bæinn að hafa svona stórt nafn þarna," segir Hörður. Hann var ánægður með sitt fyrsta tímabil hjá félaginu en sér hann sjálfur fyrir sér að vera lengi hjá Sogndal?

„Ég á tvö ár eftir af samningi og virði alltaf mína samningi. Markmiðið er alltaf að upplifa fleiri ævintýri og komast lengra. Ég er samt mjög ánægður í Sogndal og við verðum bara að sjá hvernig spilast úr þessu."

Hægt er að hlusta á viðtalið í heild sinni í spilaranum hér að ofan en þar ræðir Hörður meira um tímabilið með Sogndal, landsliðið og fótboltasumarið hjá hans gömlu félögum, FH og ÍA. Stefnan hjá Sogndal er alltaf sett á að komast upp í efstu deild á næstu leiktíð.

Athugasemdir

Nýjustu fréttirnar