Ítalía í dag - Íslendingalið Venezia heimsækir Juventus

Þrír leikir eru á dagskrá í ítölsku deildinni í dag.

Það er svakaleg toppbarátta í deildinni en Atalanta er með tveggja stiga forystu á Napoli á toppi deildarinnar.

Atalanta heimsæir Cagliari í fyrsta leik dagsins og Napoli fer í heimsókn til Udinese.

Í kvöld fer svo Íslendingalið Venezia í heimsókn til Juventus.

Juventus hefur aðeins nælt í þrjú stig í síðustu þremur leikjum í deildinni en vann góðan sigur á Man City í Meistaradeildinni í vikunni. Venezia með Mikael Egil Ellertsson og Bjarka Stein Bjarkason innanborðs hefur átt mjög erfitt uppdráttar og er á botni deildarinnar.

Liðið náði í stig gegn Como í síðustu umferð eftir að hafa farið í gegnum fjóra tapleiki í röð.