Þýskaland: Leverkusen nýtti sér fyrsta tap Bayern

Lee Jae-Sung fagnar gegn Bayern

Mynd: Getty Images

Lee Jae-Sung fagnar gegn Bayern

Mynd: Getty Images

Topplið Bayern München tapaði fyrsta leik sínum í deildinni á þessu tímabili er það laut í lægra haldi fyrir Mainz, 2-1, í dag.

Bayern hafði verið í miklu stuði á fyrsta tímabili Vincent Kompany og ekki tapað í fyrstu þrettán leikjunum.

Tapið kom hins vegar í dag. Suður-Kóreumaðurinn Lee Jae-Sung skoraði bæði mörk Mainz. Hann gerði fyrra mark sitt á 41. mínútu og tvöfaldaði síðan forystuna þegar hálftími var eftir. Undir lokin minnkaði Leroy Sane muninn en það var allt of seint og lokatölur því 2-1.

Þýskalandsmeisturum Bayer Leverkusen tókst að nýta sér tap Bayern með því að vinna Augsburg, 2-0. Martin Terrier og Florian Wirtz skoruðu mörk gestanna sem eru aðeins fjórum stigum frá Bayern eftir þessa umferð.

Borussia Mönchengladbach vann öruggan 4-1 sigur á nýliðum Holsten Kiel.

Staðan var þá 1-1 í leik Union Berlín og Bochum þegar lítið var eftir en dómari leiksins skipaði báðum liðum inn í klefa eftir að Patrick Drewes, markvörður Bochum, fékk kveikjara í hausinn frá stuðningsmönnum Union.

Ekki er búið að taka ákvörðun um framhaldið en það gæti farið svo að Bochum verði dæmdur 3-0 sigur.

Augsburg 0 - 2 Bayer
0-1 Martin Terrier ('14 )
0-2 Florian Wirtz ('40 )

Mainz 2 - 1 Bayern
1-0 Lee Jae Sung ('41 )
2-0 Lee Jae Sung ('60 )
2-1 Leroy Sane ('87 )

Borussia M. 4 - 1 Holstein Kiel
1-0 Tim Kleindienst ('1 )
2-0 Robin Hack ('26 )
2-1 Armin Gigovic ('30 )
3-1 Alassane Plea ('43 )
4-1 Alassane Plea ('79 )

Union Berlin 1 - 1 Bochum (Leikur stöðvaður)
0-1 Ibrahima Sissoko ('23 )
1-1 Benedict Hollerbach ('33 )
Rautt spjald: Koji Miyoshi, Bochum ('13)

Bundesliga - karlar

#	Lið	L	mun	Stig
1	Bayern	6	+17	14
2	Dortmund	6	+7	14
3	Freiburg	5	+10	13
4	Leverkusen	5	+6	10
5	Mainz	6	+4	10
6	Elversberg	6	+1	10
7	RB Leipzig	6	+5	9
8	Werder	6	0	9
9	Hamburger	6	-9	9
10	Augsburg	6	+4	8
11	Frankfurt	6	-6	8
12	Köln	6	-3	7
13	Stuttgart	6	-2	6
14	Schalke 04	6	-3	5
15	Paderborn	6	-4	5
16	Union Berlin	6	-12	5
17	Hoffenheim	5	-4	3
18	Gladbach	5	-11	0