Levski Sofia 0 - 0 CSKA Sofia
Hólmar Örn Eyjólfsson lék allan leikinn í hjarta varnarinnar hjá Levski Sofia sem gerði markalaust jafntefli í nágrannaslagnum gegn CSKA.
Leikurinn var frekar lokaður þar sem heimamenn í Levski fengu fleiri og hættulegri færi en komu knettinum ekki í netið.
Hólmar Örn hefur verið meðal bestu leikmanna Levski á tímabilinu og er liðið með næstbestu vörn deildarinnar. Levski hefur aðeins fengið 13 mörk á sig í 21 leik og er í öðru sæti, fjórum stigum eftir toppliði Ludogorets sem á leik til góða.
CSKA er í fjórða sæti, fjórum stigum eftir Levski.
Næsti leikur Hólmars og félaga er á útivelli gegn Cherno More næsta laugardag.
Athugasemdir