„Ég óska Skagamönnum til hamingju. Þeirra leikplan gekk betur upp en okkar. Það eru vonbrigði að við skyldum ekki gera betur," sagði Ólafur Kristjánsson, þjálfari FH, eftir 2-0 tap gegn ÍA á útivelli í Pepsi Max-deildinni í kvöld.
Lestu um leikinn: ÍA 2 - 0 FH
„Það sem við gerðum ekki nógu vel í fyrri hálfleik er að það vantaði tempó á boltaflutning hjá okkur. Við fórum inn í svæðin þar sem þeir voru þéttastir. Mér fannst það lagast í seinni hálfleik og við eiga betri kafla."
„Þegar forystan varð 2-0 þá varð það erfiðara fyrir okkur. Við gáfumst ekki upp. Þetta var verðskuldaður Skagasigur."
Pétur Viðarsson, varnarmaður FH, fékk að líta rauða spjaldið fyrir að kalla aðstoðardómara „þroskaheftan".
„Það er ekki gott ef hann hefur misst stjórn á sér og fengið rautt spjald. Við getum ekki hagað okkur þannig að við skiljum liðsfélagana eftir í erfiðum málum. Ég treysti því að Pétur dómari hafi tekið rétta ákvörðun. Ég er ósáttur við það að Pétur Viðarsson hafi freistast til þess að gefa honum færi á að gefa sér rautt spjald."
Það eru nokkrir tímar eftir af félagaskiptaglugganum. Óli segist vera með símann opinn.
Viðtalið er í heild sinni hér að ofan.
