Fótbolti.net

sun 15. maí 2022 14:59

Ívan Guðjón Baldursson

England: City missteig sig gegn West Ham - Dýrmætt stig Leeds

Mynd: EPA

Manchester City missteig sig í ensku titilbaráttunni þegar liðið heimsótti West Ham United í dag.

City byrjaði leikinn af krafti en það var Jarrod Bowen sem gerði tvennu í fyrri hálfleik og West Ham var óvænt 2-0 yfir í leikhlé.

Gestirnir frá Manchester komust nálægt því að skora í fyrri hálfleik en skiptu um gír í þeim seinni og minnkaði Jack Grealish muninn snemma.

Vladimir Coufal gerði svo sjálfsmark og staðan var orðin 2-2 þegar tuttugu mínútur voru eftir af venjulegum leiktíma.

City var talsvert betra liðið en Hamrarnir komust í álitlegar sóknir og hefðu bæði lið getað bætt mörkum við leikinn, en gerðu ekki. Riyad Mahrez steig á vítapunktinn á 86. mínútu og brenndi af.

Man City er fjórum stigum fyrir ofan Liverpool, sem á leik til góða gegn Southampton á þriðjudaginn, þegar aðeins lokaumferðin er eftir.

West Ham 2 - 2 Man City
1-0 Jarrod Bowen ('24)
2-0 Jarrod Bowen ('45)
2-1 Jack Grealish ('49)
2-2 Vladimir Coufal ('69, sjálfsmark)

Leeds United náði þá í dýrmætt stig á heimavelli gegn Brighton. Liðin mættust í opnum og fjörugum leik þar sem Danny Welbeck komst fyrstur á blað. Hann gerði vel að lyfta boltanum yfir Illan Meslier eftir góða sendingu frá Yves Bissouma.

Brighton leiddi allt þar til á lokamínútum leiksins þrátt fyrir mikið af marktilraunum frá báðum liðum. Í uppbótartíma tókst Hollendingnum Pascal Struijk, sem var nýlega kominn inn af bekknum, að setja boltann í netið eftir frábæran undirbúning frá Joe Gelhardt og urðu lokatölur 1-1.

Leeds fær afar dýrmætt stig sem kemur liðinu úr fallsæti með 37 stig. Burnley er í fallsæti með 36 stig og leik til góða á útivelli gegn Aston Villa næsta fimmtudag.

Aston Villa gerði þá jafntefli við Crystal Palace, Wolves og Norwich skildu jöfn og Leicester setti fimm í stórsigri gegn Watford eftir að hafa lent undir snemma leiks. Wolves er þar með búið að missa af sæti í Sambandsdeildinni á næsta ári.

Harvey Barnes, James Maddison og Jamie Vardy léku á alls oddi í þeim leik. Barnes og Vardy settu báðir tvennu á meðan Maddison gerði eitt mark. Maddison lagði þá tvö upp og Barnes eitt.

Leeds 1 - 1 Brighton
0-1 Danny Welbeck ('21)
1-1 Pascal Struijk ('92)

Wolves 1 - 1 Norwich
0-1 Teemu Pukki ('37)
1-1 Ait Nouri ('55)

Watford 1 - 5 Leicester
1-0 Joao Pedro ('6)
1-1 James Maddison ('18)
1-2 Jamie Vardy ('22)
1-3 Harvey Barnes ('46)
1-4 Jamie Vardy ('70)
1-5 Harvey Barnes ('86)

		L	U	J	T	ms:	mf:	mun	Stig
1	Arsenal	32	21	7	4	62	24	+38	70
2	Man City	31	19	7	5	63	28	+35	64
3	Man Utd	32	15	10	7	57	45	+12	55
4	Aston Villa	32	16	7	9	43	38	+5	55
5	Liverpool	32	15	7	10	52	42	+10	52
6	Chelsea	32	13	9	10	53	41	+12	48
7	Brentford	32	13	8	11	48	44	+4	47
8	Everton	32	13	8	11	39	37	+2	47
9	Brighton	32	12	10	10	43	37	+6	46
10	Sunderland	32	12	10	10	33	36	-3	46
11	Bournemouth	32	10	15	7	48	49	-1	45
12	Fulham	32	13	5	14	43	46	-3	44
13	Crystal Palace	31	11	9	11	35	36	-1	42
14	Newcastle	32	12	6	14	45	47	-2	42
15	Leeds	32	8	12	12	39	49	-10	36
16	Nott. Forest	32	8	9	15	32	44	-12	33
17	West Ham	32	8	8	16	40	57	-17	32
18	Tottenham	32	7	9	16	40	51	-11	30
19	Burnley	32	4	8	20	33	63	-30	20
20	Wolves	32	3	8	21	24	58	-34	17