Jón Þór Hauksson þjálfari ÍA var að vonum svekktur eftir 0-3 tapið gegn KA á Norðurálsvellinum fyrr í dag.
„Nei ég er mjög svekktur eins og þú segir, mér finnst þetta vera mjög ódýr mörk sem við erum að fá á okkur og eitthvað sem við eigum auðveldlega að getað komið í veg fyrir."
Lestu um leikinn: ÍA 0 - 3 KA
Já auðvitað. Það ræður úrslitum í leikjum hvort þú nýtir færin þín eða ekki. Við erum að gefa ódýr mörk í þessum leik og ekki að nýta okkar sénsa að þá taparu leikjum, það er svoleiðis."
Skagamenn hafa verið að fá á sig mikið af mörkum í síðustu þremur leikjum og segir Jón Þór að það þurfi að laga varnarleik liðsins.
„Það er verkefni okkar, mér fannst við fara ágætlega af stað í mótinu hvað það varðar en síðan er það bara einbeitingarleysi og menn missa hausinn og við erum að gefa alltof ódýr mörk. Það er allt í góðu ef lið sundurspila þig og spila sig í gegnum þá stenduru bara upp og klappar fyrir því en við vorum bjóða upp á alltof marga möguleika gegn okkur."
ÍA er búið að spila gegn Breiðablik,Val og KA núna í síðustu þremur leikjum og fer liðið til Eyja í næstu umferð og var Jón Þór spurður hvort liðið ætlaði sér ekki þrjá punkta í því verkefni.
„Við þurfum allaveganna byrja á því að hætta að spila gegn sjálfum okkur og gefa andstæðingunum eða bjóða þeim þetta sem við erum bjóða uppá hérna í dag og það er númer 1,2 og þrjú að við förum að einbeita að okkur sjálfum sama hver anstæðingurinn er."
