West Ham komst tveimur mörkum yfir gegn toppliði ensku úrvalsdeildarinnar Manchester City er liðin mættust í dag. Man City gat svo gott sem tryggt sér úrvalsdeildartitilinn með sigri.
Hamrarnir leiddu 2-0 í hálfleik en gestirnir frá Manchester voru búnir að jafna á 68. mínútu.
Riyad Mahrez steig á vítapunktinn þegar nokkrar mínútur voru eftir af venjulegum leiktíma en Lukasz Fabianski varði meistaralega frá honum.
David Moyes stjóri West Ham var kátur að leikslokum og lýsti aðdáun sinni á liði Man City.
„Ég vona að einn daginn geti ég látið mitt lið spila eins og liðin hans Pep. Þeir eru svo góðir á boltanum, við gátum ekki tekið hann af þeim. Þegar maður er ekki með boltann þarf maður að aðlagast og þess vegna vorum við þéttir og beittum skyndisóknum," sagði Moyes eftir leik.
„Þetta var langur dagur þar sem ég stóð á hliðarlínunni og horfði á Manchester City vera með boltann í kringum vítateiginn okkar.
„Við vorum með leikplan en við vildum líka reyna að halda boltanum aðeins og gera eitthvað með hann, en í hvert skipti sem við fengum boltann þá eltu þeir okkur uppi eins og hundar og náðu aftur í hann. Við komum nokkrum boltum fyrir aftan varnarlínuna þeirra og gerðum góð mörk."
West Ham hefur átt gott tímabil og komst alla leið í undanúrslit Evrópudeildarinnar. Liðið er með öruggt sæti í Sambandsdeildinni á næstu leiktíð og aðeins tveimur stigum frá Evrópudeildarsæti. Hamrarnir geta náð sætinu með sigri á útivelli gegn Brighton í lokaumferðinni. Þeir þurfa þó að treysta á að Crystal Palace taki minnst stig af Manchester United þegar liðin mætast á Selhurst Park.
„Ég er svekktur að við náðum ekki að berjast um Meistaradeildarsæti en við erum samt á ótrúlegum stað, sérstaklega eftir að hafa spilað líka í Evrópudeildinni allt tímabilið. Ég er mjög heppinn að vera með þennan leikmannahóp.
„Ég sagði að það yrði erfitt að ná sjötta sætinu aftur. Næsta skref er að finna leið til að styrkja liðiið enn frekar.
„Við gáfum Liverpool, Tottenham, Arsenal og Manchester City alvöru leiki á þessu tímabili."
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
