Ólafur Jóhannesson var ánægður eftir 5-1 sigur Vals í botnbaráttuslag gegn ÍBV á heimavelli í 8. umferð Pepsi Max-deildarinnar.

Lestu um leikinn: Valur 5 -  1 ÍBV

„Þetta var fínn leikur að okkar hálfu og við fögnum því. Við erum svosem ekkert að breyta neinu. Við spiluðum ekkert alslæma leiki gegn FH, Stjörnunni og Breiðabliki en þetta datt með okkur í dag."

„Við spiluðum mjög vel og ég er mjög ánægður með það," sagði Ólafur sem stillti upp byrjunarliði með tíu leikmönnum sem léku með liðinu í fyrra. Valsliðið í dag minnti marga á liðið frá því í fyrra.

„Árið í fyrra er búið. Ég er ekkert að pæla í því. Eins og ég segi, ég er ánægður með leikinn. Fínn leikur," sagði Óli en hvað var hann ánægðastur með?

„Ég var ánægður með að fá stigin þrjú. Spilamennskan var frábær og við uppskárum þrjú stig útaf því."

„Það er alltaf mikilvægt að ná í sigra, hvort sem það er stórleikur framundan eða ekki. Það er leikur gegn KR á miðvikudaginn og það er alvöru leikur."

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit