England: Arsenal nýtti mistök lykilmanna Liverpool

Þriðja tap Liverpool í ensku úrvalsdeildinni er staðreynd eftir að Arsenal kom til baka á heimavelli gegn ensku meisturunum.

Sadio Mane kom gestunum yfir á 20. mínútu en tólf mínútum seinna gerði Virgil van Dijk sig sekan um klaufaleg mistök og Alexandre Lacazette nýtti sér þau og jafnaði leikinn.

Á 44. mínútu skoraði svo Reiss Nelson sitt fyrsta úrvalsdeildarmark og kom Arsenal yfir. Alisson ætlaði að koma boltanum út til vinstri en Lacazette komst inn í misheppnaða sendingu Alisson. Frakkinn lagði boltann á Nelson sem skoraði með skoti í fjærhornið.

Liverpool reyndi að ná inn jöfnunarmarkinu í seinni hálfleik og stýrði leiknum en tókst ekki að jafna leikinn.