Fótbolti.net

mið 15. júlí 2020 18:57

Sæbjörn Þór Þórbergsson Steinke

England: Þriðji sigur Spurs í fjórum leikjum - Burnley jafnaði á 95.

Bournemouth í slæmri stöðu

Manchester City, Wolves og Tottenham kræktu í dag í þrjú stig þegar liðin unnu sína leiki í ensku úrvalsdeildinni.

Á Turf Moor, heimavelli Burnley, tóku heimamenn á móti Wolves og kom fyrra mark leiksins þegar um stundarfjórðungur lifði leiks. Raul Jimenez skoraði þá eftir frákast og tryggði sínu liði stigin þrjú. Jóhann Berg Guðmundsson kom inn á sem varamaður hjá Burnley og lék í sextíu mínútur. Burnley tókst að jafna á 5. mínútu uppbótartíma. Chris Wood skoraði úr vítaspyrnu og tryggði Burnley stig og setti stein í götu Wolves í baráttunni um Meistaradeildarsæti. Wood fékk fyrirgjöf frá hægri, hann reyndi bakfallsspyrnu en hitti ekki boltann. Matt Doherty fékk boltann í höndina og var það atvik skoðað í VAR eftir að dómarinn dæmdi vítaspyrnu. Dómurinn stóð og Wood skoraði af öryggi.

Á Etihad vellinum tóku heimamenn í Man City á móti Bournemouth. City liðið stýrði leiknum en gestirnir fengu þó sín færi. Bæði mörk City komu í fyrri hálfleik og voru það þeir David Silva og Gabriel Jesus sem skoruðu þau. Bournemouth minnkaði muninn á 88. mínútu þegar Callum Wilson renndi boltanum á David Brooks sem skoraði. Bournemouth var nálægt því að fá eitthvað af stigum í kvöld en tókst ekki að koma boltanum oftar en einu sinni löglega í netið.

Á St. James' Park mætti Jose Mourinho með sína lærisveina í Tottenham í heimsókn. Gestirnir leiddu í hléi þar sem Son skoraði á 27. mínútu. Matt Ritchie jafnaði metin fyrir heimamenn á 56. mínútu áður en Harry Kane kom gestunum yfir rúmum þremur mínútum seinna. Kane innsiglaði svo sigurinn með öðru marki sínu á 90. mínútu.

Tottenham vann sinn annan sigur í röð og er í 7. sæti, Newcastle er í 13. sæti. Þá er Manchester City í 2. sæti á meðan Bournemouth er í fallsæti og er þremur stigum auk markatölu frá öruggu sæti. Watford og West Ham eiga auk þess leik til góða á Bournemouth.

Burnley 1 - 1 Wolves
0-1 Raul Jimenez ('76 )
1-1 Chris Wood ('90 , víti)

Manchester City 2 - 1 Bournemouth
1-0 David Silva ('6 )
2-0 Gabriel Jesus ('39 )
2-1 David Brooks ('88 )

Newcastle 1 - 3 Tottenham
0-1 Son Heung-Min ('27 )
1-1 Matt Ritchie ('56 )
1-2 Harry Kane ('60 )
1-3 Harry Kane ('90 )

		L	U	J	T	ms:	mf:	mun	Stig
1	Arsenal	24	16	5	3	46	17	+29	53
2	Man City	24	14	5	5	49	23	+26	47
3	Aston Villa	24	14	4	6	35	26	+9	46
4	Man Utd	24	11	8	5	44	36	+8	41
5	Chelsea	24	11	7	6	42	27	+15	40
6	Liverpool	24	11	6	7	39	33	+6	39
7	Brentford	24	11	3	10	36	32	+4	36
8	Fulham	24	10	4	10	34	35	-1	34
9	Everton	24	9	7	8	26	27	-1	34
10	Newcastle	24	9	6	9	33	33	0	33
11	Sunderland	23	8	9	6	24	26	-2	33
12	Bournemouth	24	8	9	7	40	43	-3	33
13	Brighton	24	7	10	7	34	32	+2	31
14	Tottenham	24	7	8	9	35	33	+2	29
15	Crystal Palace	24	7	8	9	25	29	-4	29
16	Leeds	24	6	8	10	31	42	-11	26
17	Nott. Forest	24	7	5	12	24	35	-11	26
18	West Ham	24	5	5	14	29	48	-19	20
19	Burnley	23	3	6	14	25	44	-19	15
20	Wolves	24	1	5	18	15	45	-30	8