Fjórum leikjum var rétt í þessu að ljúka í ítölsku Serie A. Fiorentina vann tveggja marka útisigur á Lecce, Roma sigraði Verona á heimavelli og toppliðin fyrir umferðina töpuðu stigum. Það voru þeir Jordan Veretout og Edin Dzeko sem skoruðu mörk Rómverja.

Juventus er áfram með gott forskot í efsta sæti Serie A þrátt fyrir 3-3 jafntefli gegn Sassuolo. Danilo, Higuain og Sandro skoruðu mörk Juve en mörk frá Djuricic, Berardi og Caputo sá til þess að leikurinn endaði með jafntefli.

Lazio var fyrir umferðina í 2. sæti en er nú komið niður í 3. sætið þar sem liðið gerði 0-0 jafntefli og Atalanta, sem er komið upp í 2. sæti, sigraði í gær.