Rúnar Kristinsson
„Það voru mörg færi á báða bóga og mjög skrýtið að þessi leikur hafi endað 0-0 miðað við færin sem liðin voru að skapa. 0-0 er aldrei skemmtilegt en bæði lið komu til að vinna og bæði lið voru að sækja. Þetta var voðlega mikið fram og til baka og lítill stöðugleiki í þessum leik.“Sagði Rúnar Kristinsson þjálfari KR um leikinn þegar Keflavík og KR gerðu 0-0 jafntefli í Keflavík fyrr í fyrr í kvöld
Lestu um leikinn: Keflavík 0 - 0 KR
Jafnteflið gerir það að verkum að KR er í bílstjórasætinu um 6.sæti Bestu deildarinnar og þar með sæti í efri hluta deildarinnar þegar skipt verður. Einföld staða en kannski ekki sú sem KR sem félag vill vera í?
„Nei en það er bara staðan í dag og við vinnum bara útfrá henni. Þá er gott að halda þeim þessum þremur stigum fyrir aftan okkur svo er að sjá hvað Fram gerir. Þeir geta bæst í þennan hóp liða sem eru að berjast um topp sex en það er ennþá fullt af stigum í pottinum og fullt af leikjum eftir áður en að mótinu
verður skipt.“
Framundan hjá KR er leikur gegn Víkingum í 8 liða úrslitum Mjólkurbikarsins á fimmtudag. Stutt á milli leikja og enn nokkuð um forföll hjá KR en um það sagði Rúnar.
„Það er tilkomið út af mörgum meiðslum sem við erum í og svo eru tveir í leikbanni í dag. Við erum dálítið fáliðaðir og það er erfitt að gera breytingar og erfitt að hreyfa liðið en við fáum tvo inn úr banni fyrir næsta leik í bikar og svo eru menn eitthvað að skríða saman úr meiðslum.“
Sagði Rúnar en allt viðtalið má sjá hér að ofan.
