Spánn: Gallagher og Álvarez á skotskónum

Conor Gallagher byrjaði leikinn í kvöld en hann braut ísinn í lok fyrri hálfleiks og Atletico Madríd var 1-0 yfir í hálfleik.

Þeir bættu bara í en Griezmann skoraði snemma seinni hálfleiks og kom heimamönnum í 2-0 áður en Julian Alvarez kom inn á af bekknum og kláraði leikinn í uppbótartíma fyrir Madrídinga.

Athletic Bilbao vann þá Las Palmas í fimm marka leik sem fór 3-2 fyrir böskunum. Athletic Bilbao var 2-0 yfir í hálfleik en leikmaður þeirra fékk rautt spjald snemma í seinni hálfleik sem gaf Las Palmas blóð á tennurnar. 

Heimamenn minnkuðu muninn skömmu síðar áður en Aitor Paredes kom Bilbao í 3-1. Las Palmas gáfust ekki upp og minnkuðu muninn alveg í restina sem var of lítið of seint og baskarir fara með 3 stig heim.

Las Palmas er í fallsæti með tvö stig og eiga enn eftir að vinna leik þegar 5 leikir eru búnir. Bilbao er í 8. sæti deildarinnar með 7 stig eftir sigurinn.

Atletico Madrid 3 - 0 Valencia
1-0 Conor Gallagher ('39 )
2-0 Antoine Griezmann ('54 )
3-0 Julian Alvarez ('90 )

Las Palmas 2 - 3 Athletic
0-1 Oihan Sancet ('7 )
0-2 Nico Williams ('30 )
1-2 Sandro Ramirez ('58 )
1-3 Aitor Paredes ('76 )
2-3 Alex Munoz ('83 )
Rautt spjald: Mikel Jauregizar, Athletic ('56)