Bruno Fernandes var ekki lengi að finna taktinn eftir komu sína til Manchester United í janúar og hefur tekist að stimpla sig inn sem lykilmaður í liði Rauðu djöflanna.
Fernandes segir að sér sé sama um hvað fólk segir, hann telur leikmenn Man Utd hafa hugarfarið sem þarf til að vinna ensku úrvalsdeildina þó félagið hafi ekki unnið titil síðan 2017.
„Að mínu mati þá skipta önnur lið engu máli, þó einhver segi að eitthvað lið sé betra heldur en Man Utd þá er mér alveg sama. Ég kom til Manchester til að vinna titla og það er markmið félagsins," sagði Fernandes í samtali við UTD Podcast.
„Ég er partur af risastóru félagi með ríka sögu að baki. Það er alltof langur tími síðan við unnum úrvalsdeildina og það er eitthvað sem við erum að vinna í. Allir leikmenn og allir í starfsteyminu eru með sama hugarfar. Við erum öll hérna til þess að sigra og það er gríðarlega mikilvægt."
Fernandes ræddi svo jákvæðu áhrifin sem Michael Carrick, fyrrum leikmaður og núverandi partur af þjálfarateymi Man Utd, hefur á sig.
„Ég var að spjalla við Fred um daginn og ætlaði að gefa honum einfalt ráð. Ég ætlaði að segja honum að fylgjast með Carrick spila og herma eftir honum. Svo hugsaði ég að það væri ósanngjarnt og sleppti því að segja þetta við hann.
„Ég er að læra mikið af Carrick og mér finnst mjög gott að hlusta á hann. Hann var mikilvægur leikmaður og vann mikið af titlum hjá félaginu. Það er mikilvægt að læra af svona mönnum."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
