Fótbolta.net mótið: Vogamenn unnu Hauka

Haukar og Þróttur Vogum áttust við í Fótbolta.net mótinu í dag og leiddu Hafnfirðingar í leikhlé þökk sé marki frá Aroni Róbertssyni úr vítaspyrnu á 26. mínútu.

Þróttarar voru öflugir í síðari hálfleik og jafnaði Viktor Smári Segatta metin á 58. mínútu.

Eyjólfur Arason gerði svo sigurmark Þróttara á 83. mínútu.

Þróttur er því með þrjú stig eftir fyrstu umferð, jafn Aftureldingu á stigum sem vann Vestra í dag.