England í dag - Sýnd veiði en ekki gefin fyrir Liverpool

Liverpool spilar við Brentford á Anfield og West Ham mætir Leeds í London. Liverpool er 14 stigum frá toppliði Manchester City, en á tvo leiki til góða. Það breytir þó örugglega ekki miklu; City er að stinga af. Brentford er sýnd veiði en ekki gefin fyrir Liverpool.

West Ham er í fjórða sæti og hefur verið að eiga stórgott tímabil. Það er ekki hægt að segja það sama um Leeds, sem er í 16. sæti deildarinnar.

Nágrannaslagur Arsenal og Tottenham átti líka að fara fram í dag, en honum var frestað. Arsenal fór fram á frestun á leiknum vegna meiðsla, Covid-19 og þá eru nokkrir leikmenn liðsins að keppa í Afríkukeppninni. Enska úrvalsdeildin samþykkti að fresta leiknum.

sunnudagur 16. janúar
14:00 Liverpool - Brentford
14:00 West Ham - Leeds