Fjórtán stjórar reknir á Championship tímabilinu

Þegar önnur félög eru skoðuð kemur í ljós að í heildina hafa 13 félög af 24 rekið knattspyrnustjóra á deildartímabilinu, sem er rétt rúmlega hálfnað. Í heildina hafa 14 stjórar verið reknir hingað til.

Til gamans má geta að síðasta sumar voru sjö nýir knattspyrnustjórar ráðnir til félaga í Championship deildinni. Aðeins fjórir þeirra eru enn í starfi í dag - þar á meðal Vincent Kompany hjá Burnley og Jon Dahl Tomasson hjá Blackburn.

Hægt er að búast við að fleiri stjórar fái að fjúka á næstu mánuðum er baráttan verður harðari á báðum endum stöðutöflunnar.