Chelsea rúllaði yfir Everton er liðin mættust í eina leik gærkvöldsins í ensku úrvalsdeildinni en að leikslokum var Mauricio Pochettino, þjálfari Chelsea, ósáttur með rifrildi lærisveina sinna í síðari hálfleiknum.
Chelsea fékk dæmda vítaspyrnu í stöðunni 4-0 þar sem vítaskyttan Cole Palmer var nú þegar búin að skora þrennu.
Noni Madueke vildi taka spyrnuna og tók boltann til sín eftir að vítaspyrna var dæmd. Hann neitaði að afhenda boltann til Palmer, sem vildi taka spyrnuna sjálfur, og þurfti fyrirliðinn Conor Gallagher að skerast inn í leikinn.
Gallagher rétti Palmer boltann en þá blandaði Nicolas Jackson sér í málin og reyndi að hrifsa boltann frá Palmer til að taka spyrnuna sjálfur. Palmer brást við með að ýta Jackson frá sér til að ryðja sér leið að vítapunktinum, þar sem hann lagði boltann niður og skoraði af miklu öryggi.
Þetta leikrit fór ekki vel í Pochettino, sem segir að leikmenn liðsins þurfi að þroskast ef þeir ætli sér stóra hluti.
„Ég get ekki samþykkt svona hegðun, ég sagði þeim að þetta var í síðasta sinn sem ég vil sjá þessa hegðun. Ef við viljum vera frábært lið þá þurfum við að breyta hugsunarhættinum okkar og hugsa sem liðsheild, ekki sem einstaklingar," sagði Pochettino eftir stórsigurinn.
„Allir í liðinu vita að Palmer er vítaskyttan. Það er hann sem tekur ákvörðun um hvort hann taki vítaspyrnuna sjálfur eða leyfi öðrum að spyrna. Þetta er mjög mikilvægt. Ég verð að biðja stuðningsmenn afsökunar á þessu, við erum með ungan leikmannahóp sem á enn ýmislegt eftir ólært. Strákarnir þurfa að læra að vera fagmannlegri og einbeittari að liðsheildinni. Þetta atvik í kvöld er augljóst merki um að við eigum enn margt eftir ólært."
Palmer sjálfur gerði lítið úr atvikinu að leikslokum og sagði að leikmenn væru strax byrjaðir að grínast með þetta.
„Strákarnir vildu taka spyrnuna en ég er vítaskyttan og ég vildi taka þessa spyrnu. Við sýndum bara að við viljum allir skora og vinna leikinn, við erum búnir að vera að hlæja að þessu atviki."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
