Noregur: Matti Villa tapaði gegn sínum gömlu félögum

Matthías Vilhjálmsson var í liði Vålerenga sem heimsótti Rosenborg í síðasta leik kvöldsins í norska boltanum.

Matthías mætti þar sínum gömlu félögum Rosenborg en tókst ekki að skora. Hann er fastamaður í byrjunarliði Vålerenga og er búinn að skora 3 mörk í 11 leikjum frá komu sinni í janúar.

Noregsmeistararnir voru betri í kvöld og verðskulduðu 3-0 sigur. Þeir eru komnir með 15 stig eftir afleita byrjun á tímabilinu. Þetta var þriðji sigur liðsins í röð í deildinni.

Matthías og félagar eru búnir að tapa tveimur í röð og eru tveimur stigum fyrir ofan Rosenborg.