Englandsmeistarar Manchester City eru búnir að tryggja sér hinn 18 ára gamla Metinho frá Fluminense í Brasilíu.
Metinho þykir gríðarlega mikið efni og spilaði sinn fyrsta keppnisleik fyrir meistaraflokk Fluminense fyrr á árinu.
Metinho er öflugur miðjumaður og fimmti leikmaðurinn sem Man City krækir í frá Suður-Ameríku á einu ári. Kayky gekk í raðir City á dögunum en fyrir það komu Yan Couto, Dario Sarmiento og Diego Rosa allir til félagsins.
Metinho verður að öllum líkindum lánaður út til félags í eigu City Football Group. Troyes í frönsku B-deildinni virðist vera líklegasti áfangastaður hans.
Athugasemdir