Championship: Fulham hafði betur gegn Huddersfield

Huddersfield fékk Fulham í heimsókn í hörkuslag í Championship deildinni í kvöld.

Staðan var markalaus eftir nokkuð jafnan fyrri hálfleik en gestirnir frá London skiptu um gír eftir leikhlé og tóku öll völd á vellinum.

Aleksandar Mitrovic skoraði í upphafi síðari hálfleiks en Karlan Ahearne-Grant jafnaði skömmu síðar.

Gestirnir fengu mikið af færum en boltinn fór ekki inn fyrr en undir lokin þegar Ivan Cavaleiro, sem er að láni frá Wolves, gerði sigurmarkið.

Fulham er með sex stig eftir þrjár umferðir en Huddersfield aðeins eitt. Starf Jan Siewert við stjórnvölinn er talið vera í hættu þó aðeins þrír leikir séu búnir af tímabilinu.